حوزہ نیوز ایجنسی کی رپورٹ کے مطابق، حزب اللہ کے ذرائع نے روزنامہ الشرق الاوسط کو بتایا ہے کہ شہید سید حسن نصراللہ کی تدفین کی جگہ کا تعین کر لیا گیا ہے۔
ذرائع کے مطابق، شہید نصراللہ کا جسد خاکی بیروت کے رفیق حریری انٹرنیشنل ایئرپورٹ جانے والی قدیمی سڑک کے قریب ایک مخصوص زمین پر دفن کیا جائے گا، جہاں ایک زیارت گاہ بھی تعمیر کی جائے گی۔
ذرائع نے مزید بتایا کہ شہید سید حسن نصراللہ اور حزب اللہ کی ایگزیکٹو کونسل کے سربراہ، شہید سید ہاشم صفی الدین کے جنازے کے لیے عوامی سطح پر تیاریوں کا آغاز ہو چکا ہے۔ تاہم، سید ہاشم صفی الدین کی وصیت کے مطابق ان کی تدفین صور کے شہر دیر قانون میں کی جائے گی۔
ذرائع نے اس بات کی بھی تصدیق کی کہ اسرائیل کی جانب سے پیجر ڈیوائسز میں بم پھٹنے کی تحقیقات جاری ہیں اور جب تک اس واقعے کی حقیقت اور متعلقہ ذمہ داران کا تعین نہ ہو جائے، یہ تحقیقات بند نہیں ہوں گی۔ اس سے ظاہر ہوتا ہے کہ آئندہ مرحلے میں حزب اللہ کی ترجیحات اسی معاملے پر مرکوز رہیں گی۔
آپ کا تبصرہ